Gemeentebrief
Januarie 2025 (week 3)
“Ek soek U, o God, my God; ek dors na U
Ek smag na U soos in ‘n dor en droë land, ‘n land sonder water.
U troue liefde is meer werd as die lewe;
daarom sal ek U prys.”
Psalm 63:2, 4
“The prayers we find in the BIble were not prayed by people trying
to understand themselves. They are not the record of people searcing
for meaning of life. They were prayed by people who understand that God,
not their feelings was the centre... “
Eugene Peterson
Gebed is baie meer as ‘n inkopie-lys waarmee ek na God toe kom. Dit is ‘n doelbewuste oopstel van myself vir God en God se wêreld en ons besef nie altyd watter potensiaal daarin opgesluit lê nie. As ons na die gebede in die Bybel kyk, dan is dit baie duidelik ‘n erkenning van ons as mense se magteloosheid en afhanklikheid van hierdie magtige Skeppergod, MAAR dit is ook gebede wat vir ons iets wys van mense wat verstaan dat hulle in ‘n verhouding is met hierdie God. Abraham en Moses en Dawid en die profete staan in vrees voor hierdie God, maar hulle hou aan om te gaan en met God te connect, want geloof is ‘n ‘engagement’ met God. Ek kan self nie wonderwerke doen nie, maar ek kan myself oopstel en in gebed in kontak kom met hierdie God wat enige iets kan doen. Gaan lees weer die Psalms om dit raak te sien.
Daar is die storie van Jakob wat met ‘n engel (eintlik God self) baklei by die Jabbok-rivier (Gen 32) en dan gryp hy God vas en weier hy om God te los tot God hom seën! Dit is hoe ons moet bid, ons moet God vasgryp en weier om te los. Gebed is nie ‘n swakkerige, half-hartige poging van iemand met ‘n slagoffer-mentaliteit van ‘arme ek’ nie.
God soek ‘n verhouding met ons, met real mense wat bereid is om te ‘engage’ met Hom, wat kom en tyd maak en in gesprek tree, vra en luister, wat eerlik genoeg is en as’t ware bereid is om God vas te gryp en met Hom te baklei – dis tog hoe real verhoudings ook werk! Dan word gebed eg, dit is stil word en luister, dit is jou hart uitstort en jou oopmaak vir God om sy hart in jou uit te stort, dit is loof en prys en dankie sê, dit is vra en gee, dit is God vasgryp en om te weier om God te los! En baie kere is dit net om te wees in God se teenwoordigheid. Die verhouding is baie meer werd. Moenie ophou kom nie!
BELANGRIKE DATUMS VIR JANUARIE
# BID SAAM – ek wil jou uitnooi om elke oggend dwarsdeur Januarie saam met my te bid vir 30 dae. Ek gaan op die Londenkerk watts-app groep elke oggend vir jou ’n kort gebed vir die dag stuur. Bid saam, of luister net, gebruik dit as aanmoediging om jou fokus reg te kry, elke dag -Show up! (Aangeheg is die QR-code vir die Londen wattsapp groep as jy wil join!)
# Ons volgende erediens vir 2025 is op Sondag 26 JANUARIE 09:30 by Michael Faraday School. Ons gaan saam pannekoek eet en lekker saamkuier na kerk (£1 ‘n pannekoek – bring baie kontant). Bring sommer al jou vriende ook saam!!
# Voorbidding
Bid asseblief vir Gerinda - sy moet binne kort vir 'n baie groot hart-operasie gaan
Bid asseblief vir Herman Bronner - sy ma is oorlede!
Groete in Christus en sien Sondag!
Rian
