Gemeentebrief
MAART 2026 (week 4)  

People bound in religion repent for breaking the rules.
People walking in love repent for breaking their Father’s heart.”

“Julle moet alles doen en onderhou wat hulle vir julle sê, maar hulle voorbeeld
moet julle nie volg nie, want hulle doen self nie wat hulle sê nie…”
Matteus 23:3

Ons is in Lent – daardie tyd van die jaar wat ons ons harte voorberei vir Jesus se lyding, sy dood en sy opstanding.
Die volgende 4 weke is die plan:
Voorberei – is jy gereed vir die Koning? (Matt 21-22)
Accountability - leef jy soos die Koning se mense? (Matt 23-25)
Dood - Sy kruis plant sy Koning-wees (Matt 26-27)
Lewe - Die Koning lewe  (Matt 28)

Godsdiens en kerk se hoofdoel is om ons volgelinge van Jesus te maak.  Dit beteken, soos laasweek gesê om Jesus Koning te maak. Geloof in God is om Hom te vertrou, genoeg om Hom te volg, om te glo dat sy liefde vir ons die verskil maak – love God, love people - is die samevatting hiervan volgens Jesus (Matt 22:37-39). En dat dit juis hierdie liefde is wat ons uitnooi of uitdaag om Hom te volg – nie net in ons woorde en belydenisse en liedere en preke nie – maar in hoe ons lewe!

In Matteur 23 sê Jesus oor die kerkleiers van sy tyd:  “Julle moet alles doen en onderhou wat hulle vir julle sê, maar hulle voorbeeld moet julle nie volg nie, want hulle doen self nie wat hulle sê nie…” Skokkend.  Luister na wat hulle sê, maar moenie na hulle voorbeeld kyk of dit volg nie, moenie soos die leiers wees nie, hulle godsdiens is voorgee, of net ’n going-through-the-motions. Dit lewe nie en daar is nie liefde nie.

Ons het almal ’n geloofwaardigheids-probleem. En ons moet eerlik wees oor wie ons is, en hoe ons leef en watter plek ons vir die Here in ons lewens gee. Ek glo dat godsdiens se hoof plan nooit was om reëls na te kom nie, maar om ’n verhouding met hierdie goeie en genadige God te hê, wat so lief is vir my dat Hy bereid was om sy lewe vir my te gee.  Die diepte van enige verhouding kan nooit gemeet word aan hoe jy die reëls of voorskrifte daarvan volg nie – maar aan hoe jou lewe, optrede, woorde, motiverings, gedagtes, keuses deur liefde gedra en gevorm word. Eintlik sê Jesus:  Your deeds cry so loud, I can’t hear your words.

As ons dus sê dat God liefde is, en vir ons lief is, dan is dit wie en hoe ons moet wees.
Die challenge is:  Hoe lyk jou leef…?  Want dit vertel van hoe jy lief is.
Lees en bid  hierdie week: Matteus 23 - 25